(( الصاااااحب )) ^_^

[صدى الواقع]

الصاحب اللي عقبه أمسيت
......................................بيـن الخطـا ولا صـوابـه
أنشيت منشودي وعديـت
....................................جيلـي ومقصـودي عتابـه
له في خفايا الروح تصويـت
...................................مجلـس وترشيـح أنتخابـه
لول وعقب اليوم غضيـت
....................................طرفـي مـع شلـة هداابـه
إن كان درب الحق ظليـت
....................................كثيـر لـي ظلمـه طغابـه
لاحي لا صاحـي ولا ميـت
....................................فالوقـت ويكابـد مصابـه
شروى الذي في حفل الكويت
.................................ويضحك لغدر العهـد نابـه
نهايتـه فـي بيـر تكريـت
.................................زابـن والأمريكـي غدابـه
مركز خلايا الـدم غثيـت
................................وزعلـت جينـات القرابـه
اخطيت في حقـي وزليـت
..............................وخالفـة قانـون الصحابـه
أقسم برب العرش والبيـت
............................ما أخاف من شخصك وأهابه
لاكن واجب لـو تماديـت
...............................ابادلـك شـوق ورحابـه
في نشـوة أيامـي تربيـت
.............................على الطيب وفنون الذرابـه
لي من سمعت الصوت لبيـت
..............................وأموت فـي شـف المثابـه
خذني مثل من قمـة حفيـت
............................صامت وفي صمتـه صلابـه
مرفوق لو هبيت وأذريـت
............................ماتكسـر الـذاري هظابـه
.حـر وفالجـوزاء تعليـت
..........................وأغـازل مـزون السحابـه
ياكم كـم وكـم أدميـت
..........................من كاشحي بخـص ودعابـه
حاسب وخف ونور الليـت
...........................رداريـه غالـي حسـابـه
أخـاف يعميـك التعنيـت
..........................وتغشيك من دونـي ظبابـه
حقلي خطير ومنبعـه زيـت
............................بتـرول حـرّاق إلتهـابـه
إن كان في مخبـاك كبريـت
..........................تحذيـر ممنـوع إقتـرابـه
لي راح مايلفي بـه الصيـت
........................والشيـب مايـدد شبابـه
ماتنفـع المأخـوذ ياليـت
..........................دام التمنـي صـك بـابـه


من كلمات الشاعر/
حمــدان بن عبدالله بالكيله العامري

http://www.atyab.com/uploadscenter/uploads/bd7ac4691a.gif (http://www.atyab.com/uploadscenter/)
تحياتي صدى ^_^

[ابو تركي]

لي راح مايلفي بـه الصيـت
........................والشيـب مايـدد شبابـه
ماتنفـع المأخـوذ ياليـت
..........................دام التمنـي صـك بـابـه

صح السانه
ويعطيج العافيه على النقل الحميل
ودمتي بود

[sllooom]

قصيده رائعه وذوق اروع

مشكوره خيتو على النقل المميز

تحيتي لج ولا عدمناج

[صدى الواقع]

ابو تركي...sllooom
مشكورين اخوتي على مروركم المعطر..

لكم باقه ورد معطره بالورد..والجوري

من صدى تقبلوا كل الاحترام والتقدير ^_^

http://www.atyab.com/uploadscenter/uploads/e4991fb833.gif (http://www.atyab.com/uploadscenter/)