اليوم ابرحل عنك !!!!!!!!!!!!!!

[بنت باوزير]

مـاجيت أطلبك تــرد لـي واتـرجـاك
ولا جيت اطلب الرضاء من عيونك

جـيـتــك أقـول اليـوم أنـا مـا ابـغـاك
رد لـــي قـلـبـي وخـلـك بـــــكـونـك

لــي عــزه نـفـس وقـيـمـه تـعــداك
ولي رجاحة عقل ما تطاوع جنونك

ولـي قـدر يا صغير الـقـدر يـعـلاك
ولـي هـمـه اكـبـر مـــــن ظـنـونــك

أنــا أبرحـل وتـركـك وتـنـاســـــاك
وأتـركـك مـع ناس تحسبهم يبـونـك

ولا تحسب إني بيوم بحن لـذكراك
والـلـه مـارجـع للجـروح وطعونك

ولا تحسب إني ما اقدر أعيش بلياك
ولا اقدر أكمل رحله العمر بدونك

غـرك نـــــداء الـحـسـاد هـذا وذاك
وهزت رياح الجفاء عالي غصونك

يــا كيف تبيع اللـي بالغالي شــراك
وارخـص المال والروح مـن دونك

سنه ونص وقلبي في وسط يمناك
تـلـعـبـه عـلى كيفك وأقـول مفتونك

سنه ونص ومنيتي بـس رضاك
تـطـلـب وتــآمر وأقـول يا عـونك

لـكـن جـرحـتـنـي بـقـولـتك بنساك
ودور لـك ارض تـلـتـقـي مزونـك

وبانت لـي يا لـردي خـافـي نواياك
ولا صـنـت قـلـب دايـم يـصـونـــك

والـلـه ثـم والـلـه لـحـرق حـشـــاك
وارد لـك كــل الـجـروح وطعـونك

اعـرف أنـا طـبـك واعــرف دواك
واعرف اذوقك العذاب باقي سنونك

والـيـوم أبـرحــــل عـنـك وأتـحـداك
مـا تـحـن لـشـوفـتـي وتـدمع عيونك


اتمنى ان تنال اعجابكم

[ولد الغيل]

كلمااات جميلة ياغالية

ماشاء الله عليج

ابدعتي ياغالية

شكرا لج وبارك الله فيج

وعسااج يارب ع القوة

[smiling flower]

والله قوييييييييييية
وخصوصا ده البيت ..

اعـرف أنـا طـبـك واعــرف دواك
واعرف اذوقك العذاب باقي سنونك

خليه يستاهل اللي حيجيه http://www.smiles.dll3.com/smiles/7/1f8c1bd3e4698d785ff6ecf775aaddbb.gif (http://dll3.com)

صح لسانك بنت باوزير ..يعطيكي العافية

[sllooom]

الله الله

كل هذا من بنت باوزير
ماهقيناج تقولين قصيد

صح السانج ولا هنتي
قصيده روووووعه صراحه

اذا السالفه هالشكل ياريت ما تبخلين علينا بالجديد

[صدى الواقع]

بنت ياوزير...

http://www.atyab.com/uploadscenter/uploads/7ccb02f0d9.gif (http://www.atyab.com/uploadscenter/)


من قلب صدى لك راق التحايا وكل الحب والتقدير ^_^

[ابو تركي]

قويه بنت باوزير الله الله بدى يضهر المخفي
ههههههههههههههههه

والله لو كان مايستاهل والله المفروض يكون الرحيل وبدون سابق اندار ويعاقب باشد العقاب
مع اني اكره شي اسمه رحيل وفراق

والله لايفرق بين الاهل والحباب والاصحاب

مشكووووره على القصيده

ودمتي كما تحبين ولمن تحبين
وبارك الله فيج

[بنت باوزير]

بدينا بالتلاكيع

بس لو تبوون قصايد حلوة لا تلكعوون هههههههههههههه

تسلملي اناملكم ع المشاركة الرووعه

[محمد الحداد]

اعـرف أنـا طـبـك واعــرف دواك
واعرف اذوقك العذاب باقي سنونك

والـيـوم أبـرحــــل عـنـك وأتـحـداك
مـا تـحـن لـشـوفـتـي وتـدمع عيونك

الله الله بنت المشائخ والله قويه فعلا كلام له مغزى الله يستر من هذا الكلام تسلمي ويعطيك العافيه دمتي بود وبارك الله فيك

[نهاية طريق]

قصيده جميلة ، ولا تحرمينا من جديدك ،،

تحياتي ،، اخوك نهاية طريق

[بنت باوزير]

تسلموون لي حبايبي

مرور يشرح القلب

الله يسعدكم يارب