قصه وقصيدة..

[صدى الواقع]

الصبي وان طاب طيبه من خواله... وان تردى فعلم انهم خايبيني

أشـرب الفنجـال واكـب البيالـة... ...طيـبٍ واحـب سلـم الطيبيـنـي

[[[الــســلام عـلـيـكـم ورحــمــة الله وبـركــاتــه ]]]

من لا يعرف .. هذين البيتين .. بيتين اشهر مـن نـار علـى علـم ..

قد يجهل البعض قائلهما .. ولكن اكيـد سمـع بالبيتيـن مـن قبـل ..

حتـى اصبـح مضـرب مثـل يتـداولـه كثـيـر مــن الـنـاس ..

قــــائـــــل هــــذيـــــن الـبــيــتــيــن ..

الشاعر / راشد بن حسن بن مانع بن رحيان الضاعني الملقب بـ( ابـن الـذيــب ) ..

والـــد الـشـاعـر مـحـمـد ابـــن الـذيــب

وقيل انه توفي عام 1986م وهو في نجران وكان شايل معـه شخـص

موصله الى قرية في نجران وحصل عليهم حادث وتوفـي رحمـه الله ..

راشد بن حسن .. كان يشتغل في شركة ارامكوا السعوديه .. وكان يملك

ســيــارة الـشــركــه ( جــمـــس ارامــكـــوا ) ..

وكان كل ما شاف له رجلي والا طرقي على الخط يبي احد يوصله يقـوم

ابـن الذيـب ويوصلـه بـدون مقابـل .. علـى سيـارة الشركـه ..

حتى اشتهر عند البدوان .. لا جا احد يبي يروح مكان ولا عنده مطيه ولا

موتر .. يمشي في طريقه ويقول عسا يلقاني ( ابن الذيب ) على الطريق

والا انـا القـاه ..ويشيلنـي ويودينـي للمكـان اللـي انـا ابـيـه ..

حتى قاموا الناس يطرونه ويحكون فيه وهم لا يعرفونه ولا قد شافـوه ..

جاء يوم من الايام الا عجوز وعندها غنم شوي تعد على الاصابع ..

و ( راشد بن حسن ) .. كـان مشغـول ومتأخـر علـى الـدوام شـوي ..

وشاف العجوز وشاف معها غنم تعداها وهملها .. عقب حزت في خاطره

واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديـك المحـل اللـي تبينـه لكـن

بدون غنمك .. انا متأخر على الدوام واخاف غنمـك تأخرنـي زيـاده ..

قالـت لـه العجـوز .. خـلاص رح الله يستـر عليـك يـا ولـدي ..

انـــا جـالـسـه هـنــا انـتـظـر ( ابـــن الـذيــب ) ..

هو اللي بيجيب العلم وبيوصلني المكان اللي انـا ابيـه انـا وغنمـي ..

وهي ما تعرفه .. ولا تدري انه ( ابن الذيب ) .. هو نفسـه اللـي هـي

تكلمه ..يـوم انصـدم ( راشـد بـن حسـن ) بقولهـا .. وتعجـب !!

قـال اركبـي يـا خالـه انـا ( ابـن الذيـب ) وابشـري بـعـزك ..

ابــوصـــلـــك انــــتــــي وغـــنـــمـــك ..

وكانت انظمة ارامكو تمنع السائقين ان يشيلو الرجليـه اللـي يوقفـون

السواقين ويطلبونهم توصيلهم على طريقهم ..وشلون توصيل الغنم ؟؟؟؟؟

حتى وصل علمه .. للشركه بفعل ( راشد بن حسن ) .. وهدد بالفصل من

الشركه اكثر من مره .. وبعض رؤساءه يأسوا من المحاولـه معـه ..

واعــجــبـــتـــهـــم شـــهـــامـــتــــه ..

وصـل العـجـوز إلــى منصـاهـا والمـكـان الـلـي تبـيـه ..

وقــــــال هـــــــذى الـقــصــيــده



قالها ابن الذيب من هاجـوس بالـه=كلمـةٍ يلعـب بهـا والبـال زينـي
قالهـا يومـه طرالـه ماطـرالـه=من هواجيسٍ تشيـب المرضعينـي
لالقيت اللي على ( السكه ) لحالـه=يلتفت ويقـول ويـن المستحينـي
أوقف الموتر حيـا وأبـي الجمالـه=يوم ولد الـلاش وجهـه مايلينـي
الطمع في كـروة الرجلـي رذالـة=خص وان جابه مجـال الغانمينـي
والردي فـي حالـةٍ ماهـي بحالـه=واعوينـه مـن كـلام الطيبيـنـي
الردي لـو بـان مايذكـر عمالـه=مايعـد الـلاش مقصـور اليمينـي
أركبـه لعيـون مـن زيـنٍ دلالـه=ماتحاكـوا فـي قفـاه الرامسينـي
مابغى غيري وانـا مابغـى بدالـه=قاعـدٍ لـي بالرجـا مـدة سنينـي
الصبي وان طاب طيبه من خوالـه=بالخـوال يسـال قبـل الوالدينـي
أشـرب الفنجـال واكـب البيالـة=تابـعٍ سلمـي سلـوم الأوليـنـي
ولاقعدنـا بالعمـل بنـا الـرزالـة.=ناخـذ العليـا طريـق الفايزيـنـي
غرني بعض الرجال بكثر ماله=مادرى ان الموت في حبل الوتيني
كيف ينفعنـي وابا(.....)خالـه=.مايقوم البيـت دام السـاس طينـي
ماش وين اللي عوايده الجمالة=مثل ابن ظافر حمد ليته يجيني
الثنـا والجـود دايـم فـي خيالـه=علمـه ظافـر سلـوم الطيبيـنـي
جـوّد العليـا ولزمّـهـا عيـالـه=وادركوا من علمتـه دنيـا ودينـي
واهني من باع حظه واشترى له=وسار في درب النبي وأخزى اللعيني
موقفـه مـاكـل رجــال ينـالـه.=من بغـى ممشـاه يقعـد مرتينـي
كم ذبح من حايلٍ مـن حـر مالـه=وعادته لطمـة خشـوم العايلينـي

في مثل هذه القصة من القصص التي ينشفق عليها وعلى نقلها لماتحمل

في طياتها كل معاني الطيب والوفى .آمل بأن وفقت في النقل

اختكم صدى ^_^

[مجـ سـعاد ـنون]

نقل موفق


ولي ملاحظة

هذا في المقدمة

الصبي وان طاب طيبه من خواله... وان تردى فعلم انهم خايبيني

أشـرب الفنجـال واكـب البيالـة... ...طيـبٍ واحـب سلـم الطيبيـنـي

وفي القصيده

الصبي وان طاب طيبه مـن خوالـه .. بالخـوال يسـال قبـل الوالديـنـي

أشـرب الفنجـال واكـب البيـالـة.. تابـعٍ سلمـي سـلـوم الأوليـنـي

فالاختلاف واضح

ثم

كيـف ينفعنـي وابا(.....)خـالـه

بين الاقواس كلمة محذوفه على وزن افعل

طبعاً هذا الشي قد لا نحصل على اجابة عليه لان المادة كما ذكرت اختنا صدى منقولة ولكن حبينا ندونها كملاحظة

وهناك معاني كلامات لم تمر علي

اللاش , والبياله !


تقبلي شكري ومروري الاخوي

[صدى الواقع]

مجـ سـعاد ـنون..

مشكور اخوي على مرورك المعطر

وعلى ملحوظاتك الرائعه

بالنسبه وحسب معلوماتي ان البيتين هم الي يداولهم الناس بهذه الطريقه ..

لكن ماذكر في القصيده هو الاصح ..

بالنسبه للمفردات ..

الاش معناها الا شيء اي الذي لاقيمه له او الرجل الذي لاقيمه له ولا وزن

دائما تقال فداك الاش او خطاك الاش..

وهو الرد على من يدعيلك بخطاك السؤ .....الاش ........يعني لاشي..


البياله استكانه الشاي الصغيره وتقريبا هو يقصد فنجال القهوه الصغير..


ان شاء الله يكون وصل المراد

اختك صدى ^_^

[ابو تركي]

نقل جميل وتعريف بشاعر ماشاء الله عليه

يسلمووووو صدوووووو على النقل الطيب والجميل والتفسير للكلمات


يعطيج العافيه وبارك الله فيج

ودمتي بود وطيبه وكرم

تقبلي مروري

ابو تركي *_*

[sllooom]

كثي قصدايد نسمعها ولا تعنيلنا شيئ
جميل ان تنقل القصيده مع الحادثه

ايد مو كل القصايد
بعضها حلاتها فغموضها وكل واحد يفسر بكيفه


مشكوره خيتو على القصه والقصيده
تحيتي لج ولا عدمناج

[صدى الواقع]

ابو تركي...sllooom

مشكورين اخوتي على مروركم المعطر ..

وجه نطرك اخوي شلوووم صح بعض القصايد تكون روعته في انها مبهمه

بس عن نفسي احب اعرف لماذا قيلت وماهي الاسباب

خاصه في القصايد القديمه ..:nosweat:


لكم باقه ورد معطره بشذى الاخاء

اختكم صدى ^_^

[مجودي]

صدى الواقع

يعطيك العافية

وتقبلي مروري

[صدى الواقع]

مجودي..

مشكور اخوي على مرورك المعطر


دمت بود اختكم صدى ^_^