رادارات المرور الجديدة , صور سرية

[ابوسدره]

كل واحد ينتبه لنفسه

ولايجي بعد شهر ويقول تدبلت المخالفة







بسم الله الرحمن الرحيم

اليوم الأربعاء 27 - 1 - 1431 هـ كنت على طريق الإمام محمد بن سعود ( امتداد مخرج 9 ) بعد تقاطعه مع مخرج الملك عبدالعزيز ولاحظت على جانب الطريق باص تويوتا 15 راكب أبيض متعطل مولع الفليشر وفاتح الباب الخلفي , نظرت له نظرة أخيرة و اكتشفت انه مركب قطعه كبيرة يالله يالله لمحتها أثاريها رادار !!!

طبعا تفاجأت وانقهرت على الحركة الجديدة من المرور يعني ماخذين ماخذين قسايم ؟

ولا المشكلة تتدبل بعد شهر بعد !!

كملت طريقي و أنا منقهر بعد مخرج أبو بكر لقيت باص ثاني ونفس الطريقة موقف ومولع فلشر !! وهات ياقسايم والعالم طاااااااايره !!

المشلكة السرعة الرسمية 70 و لا واحد ماشي 70 يعني الكل قسااااايم !!

انقهرت زود الصراحة وقلت وأنا راجع بإذن الله بأديور وأوقف عند وحدة منها وأصورها لكم ..

كملت طريقي وبعد مخرج عثمان وعند جامعة نورة لقيت وحدة ثالثة واقفة !!!!

قلت جابها الله والله و أوقف و أصورها لكم ..

وهذه الصور بالتعليق :

http://alwsta.com/up/uploads/alwsta-com12691701780.jpg (http://alwsta.com/up/download.php?img=16516)

http://alwsta.com/up/uploads/alwsta-com12691701781.jpg (http://alwsta.com/up/download.php?img=16517)

http://alwsta.com/up/uploads/alwsta-com12691701782.jpg (http://alwsta.com/up/download.php?img=16518)

http://alwsta.com/up/uploads/alwsta-com12691701783.jpg (http://alwsta.com/up/download.php?img=16519)

http://alwsta.com/up/uploads/alwsta-com12691701784.jpg (http://alwsta.com/up/download.php?img=16520)


المطلوب : خل عنك الفهاوه وتشوّف في الطريق زين قبل لاتسرع والا امش على " تسعيرة " الحكومة

في الأخير أي واحد شاف هالصور فاليعلم اني وفرت عليه كم مخالفة فهل أستاهل منكم كم دعوة

منقققققققققققققوووووووووووول من ايميلي

[باقي ريال وبصير مليونير]

الله يعين أخوي أحسن شيء ف البلاد أكبر مخالفة قيمتها 1000 ريال تعطيه وانت تضحك عليه

[ابوسدره]

شكرا مروووووورك الكريم
\\\\\\\\\\\\\\\\\\\\\\\\\\\\\\\\\\\\\\\\\\\\\

[المبتكر]

الله يستر من المخالفات صارت رباء بعدشهر تزيد

وشكر اخي ابوسدره على الموضوع

[بومهند القطري]

اما في قطر فالوضع اشد
رادارات في اغلب الاشارات والمبلغ 5000 ريال للقطع وللسرعه 500
واغلب الشوارع الرادرات ثابته
في شارع 40كم اربعه رادارات

[بومهند القطري]

اما في قطر فالوضع اشد
رادارات في اغلب الاشارات والمبلغ 5000 ريال للقطع وللسرعه 500
واغلب الشوارع الرادرات ثابته
في شارع 40كم اربعه رادارات

[ابوسدره]

شكرا اخواني : باقي ريال .... و المبتكر و بو مهند على مروركم الطيب

والله يستر علينا من المخالفات وخاصة سيارات الشرطة الخاصة (المتخفية) وخوي المبتكر يعرف ذلك

[الوزيري]

الله يستر والله فعلا يشيء يبهر يعني الجماعة

يبحثوا عن كسب الاموال باية طريقة . بس

للمعلومية انا اشتغل في مكتب سداد والله تجيني

حالات والله بودك تبكي او انك تضحك . مره

جاني واحد باكستاني مع كفيله ويقول لو سمحت

نبغاك تتاكد على هذه الاقامة ان كان عليه شيء

مخالفات قلت هو عنده رخصة قال لا هو عمره

ماساق سيارة . قلت بس ليش تراجع له. قال بصراحة

نحن رحنا عشان نعمل له خروج وعوده قالوا عليه

مخالفات نحن توقعنا يمكن بالغلط وباتجيء يالله خلها

500ريال المهم انا اخذت اقامته ودخلت على مصرف

الراجحي على المخالفات المرورية ووالله وجدت العجب

وجدت عليه يابوسدرة 8850.00 ريال . والله اقولها واني

صادق والله على مااقول شهيد عليه 8850.00ريال

يمكن لو خطأ سيكون على الاقل 500 ريال لكن بهذه الصور

فهذا لاتعليق !!!!!!!!!!!!!! شكرا اخوي على الموضوع وعلى

هذه اللفته الطيبة ودمت اخوي في حفظ الله ورعايته

[الكلمة الطيبة]

الله يستر !

شكرا جزيلا ...اخي ابو سدرة

بارك الله فيك ...وجزاك ربي الجنة